Ao longo da vida, explica a investigadora lusa Susana Rocha, as persoas adquiren formas estables de pensamento, chamadas esquemas cognitivos. Entre eles, os esquemas cognitivos mal-adaptativos precoces, engade, refírense a temas “extremadamente estables e de longa duración que se desenvolven durante a infancia” e abranguen desde a alta dependencia ata a supresión de sentimentos. Na súa tese de doutoramento, a investigadora afondou na alta influencia destes esquemas mal-adaptativos no estilo de consumo e na tendencia á impulsividade na compra, baseando a súa investigación nunha enquisa a 365 estudantes universitarios de Porto (Portugal).
23/11/2020