Unha cata de viños consiste en facer unha avaliación deles a través dos sentidos. É unha descrición aromática, visual e gustativa das súas propiedades. Pero un viño non só é iso, agocha tras de si toda unha parte emocional, de historia, paisaxe, cultura ou imaxe, que tamén está presente á hora de saborealos e que polo tanto tamén se debería ter en conta na súa avaliación. José Antonio Portela, vicepresidente da Asociación Galega de Sumilleres, foi o encargado de abrir o curso de verán Cata de viños, augardentes e licores expondo en que consiste este novo concepto de cata emocional.
20/06/2011