Diario da Universidade de Vigo
Organizado pola Universidad Pablo Olavide en Sevilla
A UVigo acada tres medallas de bronce individuais e outra por equipos mixtos no CEU de Halterofilia
No CEU de campo a través, as participantes lograron un 13º e un 19º posto
Aldara Pazos (á dereita) bronce en -63kg
Javier Cancelas (á dereita) co bronce en -79kg
Valentina Marcuello (á dereita) coa súa mella de bronce en -77 kg
Ainoa Gontán e Estela Díaz (19ª e 13ª, respectivamente) no CEU de Campo a través
O equipo da UVigo desprazado ao Campeonato de España Universitario de Halterofilia disputado en Sevilla logrou tres medallas de bronce individuais en -79Kg, -63 kg e -77 kg e outra por equipos mixtos e un cuarto posto en -58 kg.
No campionato organizado pola Universidad Pablo Olavide, Aldara Pazos, estudante do Máster en Tradución para a Comunicación Internacional, acadou o bronce en -63kg; Valentina Marcuello, estudante do Grao en Enxeñaría Biomédica, bronce en -77kg e Javier Cancelas, alumno do Grao en Ciencias da Actividade Física e do Deporte, bronce en -79kg. Tres metais aos que a UVigo sumou un cuarto por equipos mixtos e un cuarto posto en -58kg acadado por Lucía Santos, estudante do Grao en Enxeñaría Mecánica.
CEU de Campo a través
Pola súa banda a representación da UVigo no CEU Campo a través celebrado en Jaén logrou un 13º posto, a cargo de Estela Díaz, estudante do Grao en Enxeñaría Biomédica, e un 19º posto de Ainoa Gontán, estudante do Grao en Ciencias da Actividade Física e do Deporte.