Diario da Universidade de Vigo
O investigador do Cimar Marcos Rubal ofreceu unha conferencia na Ecimat
O mexillón como indicador dos efectos da actividade antropoxénica nas costas rochosas, protagoniza o Café con Sal
O investigador do Cimar Marcos Rubal ofreceu unha conferencia na Ecimat
O investigador presentou proxecto 'ECOS-New tools to evaluate the ecological status of rocky shores and its relationship with ecosystem services'
O salón de actos da Ecimat encheuse para asistir á conferencia do ciclo Café con Sal
O investigador do Interdisciplinary Centre of Marine and Environmental Research (Ciimar, Portugal) Marcos Rubal presentou este martes, nunha nova sesión do ciclo Café con Sal, o proxecto ECOS-New tools to evaluate the ecological status of rocky shores and its relationship with ecosystem services, que ten o obxectivo de avaliar o estado ecolóxico da costa rochosa, empregando como indicadores o mexillón Mytilus galloprovincialis e a fauna sésil asociada.
Na súa exposición de hoxe no salón de actos da Ecimat, titulada Mussel beds. Much more than seafood, Rubal abordou os efectos da urbanización e dos movementos de area previos á temporada estival (aumento da extensión das praias), unha das accións nas que se centra o proxecto ECOS, que está financiado por fondos FEDER e a Fundação para a Ciência e a Tecnologia.
A vindeira cita, o 7 de maio
O ciclo Café con Sal, que organiza o CIM, continuará o vindeiro martes 7 de maio co relatorio Interaction between waves and coastal structures: from coastal protection to energy generation do investigador do Departamento de Física Aplicada da Universidade de Vigo Alejandro Crespo.