Oferta de emprego de CITMaga para doutores/as para o proxecto SIMPSEG

Proxecto 

HPC Simulation of Metal Powder Segregation in manufacturing of cored wire - SIMPSEG.

Referencia da oferta

CITMAga-OT-07/2022

Descrición do posto

Un contrato como investigador/a no marco do proxecto SIMPSEG, concedido na convocatoria FF4EuroHPC Call-2 do proxecto FF4EUROHPC: HPC innovation for european SMES, o cal está financiado pola Unión Europea a través do programa marco Horizon 2020.

Perfís das candidaturas

Doutoramento relacionado coas matemáticas, a enxeñaría, a física, a informática (ou similares). 

Valoración de requisitos e de méritos

• Grao de afinidade da tese doutoral coa temática do proxecto.
• Grao de afinidade das titulacións da persoa candidata cos ámbitos da matemática aplicada e industrial.
• Coñecemento e experiencia previa en modelización, simulación numérica e optimización, e na implementación e validación en computador de algoritmos e métodos numéricos.
• Coñecemento e experiencia previa na modelización matemática e na simulación numérica relacionada coa temática do proxecto. 
• Coñecemento e experiencia na execución de modelos numéricos en HPC.
• Coñecementos de inglés.
• Coñecemento de método de elementos discretos (DEM/ DPM) para simular modelos parametrizados de sistemas granulares sólidos. 
• Programación en linguaxes de cálculo científico (C++, Matlab, Python etc.).
• Experiencia no uso de software libre de simulación numérica (LIGGGHTS, MercuryDPM, OpenFoam).
• Experiencia no uso de software en entornos Linux.
• Experiencia profesional previa relacionada coa temática do proxecto.

Características do posto

Retribución bruta mensual: 2 315,14 € en 12 pagas
Duración do contrato: 15 meses
Xornada laboral: a tempo completo
Lugar de traballo:  Centro de Investigación e Tecnoloxía Matemática de Galicia (CITMAga), Vigo (Campus As Lagoas, Marcosende)

Información e solicitudes

Prazo de presentación de solicitudes aberto ata o 15 de marzo de 2022.