Oferta de emprego de ITMATI no marco do proxecto SisAl Pilot
Referencia da oferta: ITMATI-OT-07-2020.
Descrición
A oferta consta de 1 contrato como investigador/a para o proxecto de investigación «Piloto innovador para a produción de silicio con baixo impacto ambiental utilizando materias primas secundarias de aluminio e silicio – SisAl Pilot».
Requisitos
- Estar titulada/o en graos, licenciaturas, enxeñarías, doutoramentos ou mestrados relacionados coas Matemáticas, a Física, a Enxeñaría e a Informática
Méritos valorables
- Afinidade das titulacións da candidatura cos ámbitos da Matemática Aplicada e Industrial
- Coñecemento e experiencia previa en modelización, simulación numérica e optimización, e na implementación e validación en ordenador de algoritmos e métodos numéricos
- Coñecementos de inglés
- Coñecemento de métodos numéricos para a resolución de ecuacións diferenciais ordinarias e en derivadas parciais
- Coñecemento de modelos matemáticos en electromagnetismo, transferencia de calor y mecánica de fluídos
- Coñecementos de programación en linguaxes de cálculo científico (C, Fortran, Matlab, Python etc.)
- A experiencia no uso de software de simulación numérica e experiencia profesional relacionada coa temática do proxecto
Dotación económica e duración
- A retribución bruta será mensual por valor de 1850 € en 12 pagas
- A data prevista de inicio é de incorporación inmediata
- A data estimada de fin de obra é 12 meses dende o inicio da contratación con posibilidade de prórroga
- A xornada laboral será a tempo completo
- O traballo terá lugar en Santiago de Compostela
Inscrición e solicitudes
O prazo de presentación de solicitudes permanecerá aberto ata o 17 de xuño de 2020 ás 23:59 horas.
Máis información aquí.