Oferta de emprego do ITMATI OT-15/2020 como persoal investigador para o proxecto «Sistemas expertos, axuda ao usuario e mellora de solucións»

Referencia da oferta: ITMATI-OT-15/2020.

Descrición do posto

Dous contratos a xornada completa como persoal investigador con experiencia para o proxecto de investigación «Sistemas expertos, axuda ao usuario e mellora de solucións» no marco do contrato entre o ITMATI (Instituto Tecnolóxico de Matemática Industrial) e unha empresa do sector da enerxía.

Titulación requirida 

Grao, licenciatura, enxeñaría, mestrado ou doutoramento relacionado coas matemáticas, a física, a enxeñaría ou a informática.

Méritos a valorar

1) OT-15/2020/P1: Perfil orientado á predición de mercados e optimización estocástica

• Grao de afinidade das titulacións da persoa candidata cos ámbitos da Estatística e a Investigación Operativa
• Coñecemento e experiencia previa en modelos de predición estatística e na inclusión da incertidumbre nos modelos estocásticos, así como na implementación y validación en ordenador de algoritmos e métodos propios destas disciplinas

2) OT-15/2020/P2: Perfil orientado á programación de aplicacións de optimización estocástica

• Grao de afinidade das titulacións da persoa candidata cos ámbitos da Informática, a Estatística e a Investigación Operativa
• Coñecemento e experiencia previa na implementación de algoritmos de optimización matemática, específicamente en algoritmos de programación estocástica

Outros méritos a valorar en ambos perfís

• Coñecementos de inglés
• Programación/optimización matemática e estocástica
• Modelado de problemas de optimización en AMPL e Pyomo
• Implementación e validación de algoritmos de optimización matemática
• Machine Learning
• Predición estatística con series de tempo e técnicas de redución de escenarios
• Programación en linguaxes de cálculo científico (Python, R, C++, etc.)
• Manexo e xestión de bases de datos non relacionais e da plataforma de MS Azure

Condicións

• Retribución bruta mensual: 1846,02 € en 12 pagas en función dos méritos e a experiencia da persoa seleccionada
• Data prevista de inicio: 23/12/2020
• Data estimada de fin de obra: 31/12/2021
• Xornada laboral: a tempo completo
• Lugar de traballo: Santiago de Compostela

Información e solicitudes

Prazo de presentación de solicitudes: ata o 8 de decembro de 2020.
Máis información e inscrición aquí.