Para avaliar o nivel de competencias e coñecementos previos, establecerase unha escala de puntuación para os seguintes aspectos, que cada candidatura acumulará segundo o seu perfil:

• Cualificacións previas do candidato/a: ata un máximo de 40 puntos, coa seguinte orde de preferencia:
  • Enxeñeiro/a Industrial ou Mestrado en enxeñería industrial con especialización en Automatización e electrónica ou enxeñeiro/a Industrial con especialización en Enxeñería mecánica.
  • Outros enxeñeiros/as Industriais e Mestrado en enxeñaría industrial.
  • Enxeñeiros/as técnicos industriais ou titulados/as no campo da enxeñaría industrial, de calquera especialidade.
  • Outras titulacións que inclúan no seu programa académico un número de créditos equivalente a calquera das titulacións anteriores nas seguintes áreas de coñecemento: automatización, mecánica, electrónica e informática, así como fundamentos físicos (electricidade e mecánica) e fundamentos matemáticos.
• Expediente académico: ata un máximo de 20 puntos.
• Experiencia profesional no campo da mecatrónica (automatización, mecánica, electrónica): ata un máximo de 30 puntos.
• Outros méritos do currículo: ata un máximo de 5 puntos.
• Entrevista persoal: ata un máximo de 5 puntos.

O mestrado está dirixido a estudantes con formación no campo da enxeñaría industrial, interesados en afondar, actualizar e completar os seus coñecementos para formarse como profesionais capaces de abordar o deseño integral de maquinaria automatizada e sistemas e equipos intelixentes.

O perfil recomendado é:

• Enxeñeiras/os Industriais (todas as orientacións)
• Enxeñeiras/os en Automática e Electrónica Industrial
• Enxeñeiras/os Técnico Industrial
• Graos do ámbito da enxeñaría industrial
   

O Mestrado universitario en mecatrónica da Universidade de Vigo ten como finalidade formar profesionais cunha visión integral dos sistemas mecatrónicos, capaces de afrontar os retos tecnolóxicos da industria moderna.

Os seus principais obxectivos son:

• Proporcionar unha formación avanzada e multidisciplinar en mecánica, electrónica, informática industrial e sistemas de control, piares fundamentais da mecatrónica.
• Preparar ao estudantado para deseñar, desenvolver e integrar sistemas intelixentes, automatizados e adaptativos en distintas contornas industriais e tecnolóxicas.
• Desenvolver habilidades no uso de ferramentas de simulación, modelado e prototipado, aplicadas á resolución de problemas reais de enxeñería.
• Fomentar a capacidade de innovación, investigación aplicada e aprendizaxe autónoma, esenciais para adaptarse a unha contorna tecnolóxica en constante evolución.
• Impulsar a colaboración interdisciplinar, o traballo en equipo e a xestión de proxectos técnicos en contornas profesionais e internacionais.
• Favorecer a inserción laboral e a relación co tecido industrial, mediante prácticas, colaboración con empresas e o desenvolvemento de proxectos tecnolóxicos orientados ao mercado.
   

O Mestrado universitario en mecatrónica capacita os seus titulados/as para integrarse nun amplo abano de sectores industriais onde a automatización, a robótica e os sistemas intelixentes desempeñan un papel clave. Grazas ao seu enfoque multidisciplinar, os egresados poderán desempeñar funcións técnicas, de desenvolvemento e xestión en contornas altamente innovadoras.

Entre as principais saídas profesionais atópanse:

• Enxeñaría de automatización e control industrial
• Deseño e desenvolvemento de maquinaria intelixente e produtos mecatrónicos
• Robótica industrial e colaborativa
• Sistemas embebidos e electrónica aplicada
• Mantemento preditivo e sistemas ciberfísicos
• Integración de tecnoloxías na Industria 4.0
• I+D+i en centros tecnolóxicos e departamentos de innovación empresarial
• Consultoría tecnolóxica e xestión de proxectos técnicos

Ademais, o mestrado ofrece unha sólida base para quen desexe continuar a súa carreira académica ou investigadora a través de estudos de doutoramento en enxeñaría ou campos afíns.
 

As titulacións requiridas para a admisión son por esta orde:

1. Enxeñaría Industrial e mestrados no ámbito da enxeñaría industrial
2. Graos no ámbito da enxeñaría industrial
3. Enxeñaría Técnica Industrial
4. Enxeñarías e mestrados noutros ámbitos distintos ao da enxeñaría industrial
5. Graos noutros ámbitos da enxeñaría distintos ao da enxeñaría industrial
6. Enxeñarías técnicas industriais noutros ámbitos distintos ao da enxeñaría industrial
7. Poderán tamén ser admitidas no mestrado candidaturas doutras titulacións se, a criterio da comisión académica, acreditan os coñecementos necesarios para a súa realización.

Cando as persoas prerexistradas superen o número de prazas dispoñibles no programa para a admisión de estudantes, teranse en conta os seguintes criterios de valoración:

• Titulación de acceso (ata 5 puntos)
• Currículo da persoa interesada, que incluirá o seu expediente académico, a súa experiencia laboral e outros méritos que desexe facer constar (ata 5 puntos).

En función dos resultados obtidos na admisión e a criterio da comisión académica, poderase establecer unha puntuación mínima e en caso que se estime necesario, debido á existencia dun empate ou de puntuacións practicamente idénticas, poderá realizarse unha entrevista privado que terá unha valoración de 1 punto.
 

O Mestrado en enxeñaría da automoción ten como obxectivo principal formar profesionais altamente cualificados capaces de afrontar os desafíos actuais e futuros da industria do automóbil.

Para iso, expóñense os seguintes obxectivos específicos:

• Afondar nos coñecementos técnicos avanzados relacionados co deseño, desenvolvemento, fabricación e validación de vehículos e os seus sistemas.
• Fomentar a capacidade de innovación e adaptación tecnolóxica nun sector en constante evolución, impulsado pola electrificación, a automatización e a sustentabilidade.
• Desenvolver competencias no uso de ferramentas e metodoloxías de enxeñería aplicadas ao sector da automoción, como simulación, CAD/CAE, control e electrónica embarcada.
• Impulsar a capacidade de traballo en equipo multidisciplinar, a comunicación efectiva e a toma de decisións técnicas e estratéxicas en contornas colaborativas e internacionais.
• Facilitar a inserción laboral e o contacto directo coa industria, mediante prácticas en empresas do sector, visitas técnicas e participación en proxectos reais de I+D.
• Fomentar o pensamento crítico, a investigación aplicada e a aprendizaxe continua, preparando ao alumnado para asumir responsabilidades técnicas e de xestión dentro do ámbito da enxeñería do automóbil.
• Aumentar ou nivel tecnolóxico nun sector de alta importancia en Vigo e Galicia.
• Incrementar a colaboración entre a universidade e empresas do sector.

Os egresados/as poden traballar en áreas como o deseño e desenvolvemento de vehículos, sistemas de propulsión (incluíndo eléctricos e híbridos), enxeñaría de probas, simulación e análise de compoñentes, así como en produción, calidade e xestión de proxectos. Tamén hai oportunidades en empresas provedoras de compoñentes (Tier 1 e Tier 2), consultoras de enxeñería, centros tecnolóxicos e departamentos de I+D de grandes fabricantes. Ademais, o auxe da mobilidade sostible e os vehículos autónomos ampliou as posibilidades cara a campos como a electrónica, o software e a intelixencia artificial aplicada ao automóbil.
 
 

Ademais dos requisitos xerais de acceso a estudos de mestrado, establécese o requisito de admisión adicional de que todo o alumnado debe acreditar un nivel B1 de inglés ou equivalente para ser admitido no Mestrado en enxeñaría industrial da Universidade de Vigo.
Criterios de admisión

As solicitudes de admisión clasificaranse en tres grupos:

• Grupo 1: tituladas/os no Grao en Enxeñaría de Tecnoloxías Industriais pola Escola de Enxeñaría Industrial de Vigo.
• Grupo 2: graduadas/os nas restantes titulacións da Escola de Enxeñaría Industrial de Vigo.
• Grupo 3: Outros tituladas/os con titulacións con perfís permitidos pola Orde CIN/311/2009 para acceder ao mestrado, cos complementos de formación correspondentes en cada caso.

Dentro de cada grupo, o alumnado ordenarase segundo a seguinte fórmula:

Nota media do estudante/nota media da súa titulación

As prazas asignaranse segundo esta orde e coas seguintes reservas:

• O 50 % das prazas asignarase ás solicitudes do grupo 1. Se quedan prazas vacantes, asignaranse ás solicitudes do grupo 2. De quedar prazas vacantes, asignaranse ás solicitudes do grupo 3.
• O 45 % das prazas asignarase ás solicitudes do grupo 2. Se quedan prazas vacantes, asignaranse ás solicitudes do grupo 1. Se aínda quedan prazas vacantes, asignaranse ás solicitudes do grupo 3.
• O 5 % das prazas asignarase ás solicitudes do grupo 3 xunto cos solicitudes restantes dos grupos 1 e 2 que non obtiveron praza nas cotas anteriores.

Para o establecemento de complementos de formación para o alumnado do grupo 3, terase en conta a súa titulación previa e compararase o seu expediente académico coa formación incluída no Grao en Enxeñaría de Tecnoloxías Industriais da Escola de Enxeñaría Industrial da Universidade de Vigo (BOE do 11 de febreiro de 2013). Estes complementos de formación non formarán parte do Mestrado en enxeñaría industrial e consistirán en materias impartidas nalgunha das titulacións que ofrece a Escola de Enxeñaría Industrial.

Para obter o título, o estudantado debe demostrar os seguintes resultados de aprendizaxe:

• Ter coñecementos axeitados dos aspectos científicos e tecnolóxicos de: métodos matemáticos, analíticos e numéricos en enxeñaría, enxeñaría eléctrica, enxeñaría enerxética, enxeñaría química, enxeñaría mecánica, mecánica de medios continuos, electrónica industrial, automatización, fabricación, materiais, métodos de xestión cuantitativa, computación industrial, planificación urbana, infraestruturas etc.
• Planificar, calcular e deseñar produtos, procesos, instalacións e plantas.
• Liderar, planificar e supervisar equipos multidisciplinares.
• Realizar investigación, desenvolvemento e innovación en produtos, procesos e métodos.
• Levar a cabo a planificación estratéxica e aplicala a sistemas relacionados coa construción, a produción, a calidade e a xestión ambiental.
• Xestionar técnica e economicamente proxectos, instalacións, plantas, empresas e centros tecnolóxicos.
• Capacidade para desempeñar funcións de dirección xeral, dirección técnica e xestión de proxectos de I+D en plantas, empresas e centros tecnolóxicos.
• Aplicar os coñecementos adquiridos e resolver problemas en contornas novas ou descoñecidas dentro de contextos máis amplos e multidisciplinares.
• Ser capaz de integrar coñecementos e afrontar a complexidade de formular xuízos a partir de información que, aínda que incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
• Saber comunicar as conclusións (e os coñecementos e razóns subxacentes que as sustentan) a públicos tanto especializados como non especializados dun xeito claro e inequívoco.
• Posuír as habilidades de aprendizaxe que lle permitan continuar estudando de maneira autodirixida ou autónoma.
• Coñecemento, comprensión e capacidade para aplicar a lexislación necesaria no exercicio da profesión de enxeñeiro/a industrial.
   

Debido ao carácter interdisciplinar do mestrado, é importante que o perfil de ingreso presente unha formación básica característica de calquera enxeñaría: Física, Química, Matemáticas, Estatística, Informática, …

De igual maneira, é importante que tamén presente coñecementos tanto en contidos tecnolóxicos como os relacionados coa parte da ciencia biomédica: fundamentos de electrónica para biomédica, fundamentos de electricidade, sistemas mecánicos, ciencia e enxeñaría de materiais, bioquímica e bioloxía celular, fisioloxía xeral, estrutura e patoloxía médica e estrutura e patoloxía médico-cirúrxica, bioestatística, …

Por tanto, de acordo cos criterios de valoración de méritos establecidos no seguinte apartado, serán admitidos, no seu caso, sen complementos formativos os graduados/as en Enxeñaría Biomédica provenientes de calquera universidade española e estranxeira que se axusten ás características anteriormente indicadas, sempre tomando como referencia o Grao en Enxeñería Biomédica da Universidade de Vigo.

Para o resto de solicitudes en posesión dun grao en Enxeñería Biomédica que cumpran os requisitos de acceso, pero cun perfil que non se axuste ao plan de estudos de referencia, a comisión académica do mestrado, unha vez analizados os plans de estudos, establecerá os complementos formativos que deberán cursar.

As solicitudes de admisión ao Mestrado en enxeñaría biomédica que cumpran as condicións de acceso e os requisitos específicos de admisión serán avaliadas pola comisión académica do mestrado de conformidade coa seguinte fórmula: nota media do expediente do alumnado/nota media do seu grao.
 

O perfil de ingreso recomendado é o do Grao en Enxeñaría Biomédica.

Ademais do anterior, considerarase requisito preferente para a admisión a acreditación do nivel B1 en lingua inglesa.
 

• Formación avanzada e preparación para o desempeño profesional no desenvolvemento e aplicación da enxeñaría biomédica en todas as actividades que o requiran
• Proporcionar coñecementos e habilidades para desenvolver e aplicar ideas orixinais en contextos profesionais e de investigación, formular e resolver problemas complexos, tomar decisións e traballar e comunicarse eficazmente en contornos novos e multidisciplinares dentro do campo da enxeñaría biomédica.
• Proporcionar a capacidade de integrar coñecementos, identificar responsabilidades e implicacións éticas, sociais ou profesionais asociadas a situacións no campo da enxeñaría biomédica, e formular xuízos informados considerando o impacto global, económico, ambiental e social.
• Proporcionar a capacidade de deseñar, modelar matematicamente, simular, implementar e xestionar experimentos, sistemas e procesos complexos no campo da enxeñaría biomédica.
• Proporcionar os coñecementos e as habilidades para o deseño e a análise de sistemas, sensores e técnicas para o diagnóstico, a terapia e a monitorización, a capacidade de aplicar os principios da xeración de radiación, de empregar eficazmente a instrumentación e os métodos de observación, e de analizar e interpretar sinais e imaxes no campo da biomedicina.
• Proporcionar a capacidade para desenvolver modelos biomecánicos do sistema musculoesquelético, coñecementos de enxeñaría de tecidos e capacidades para a análise, manexo e deseño de biomateriais avanzados, capacidade para a análise teórica e a modelización dos aspectos mecánicos dos fluídos biolóxicos e capacidades para a aplicación dos principios da electroquímica no campo biomédico.
• Proporcionar a capacidade para xestionar e auditar o desenvolvemento, a produción e a calidade de produtos sanitarios e a capacidade para identificar necesidades na organización e xestión de servizos de enxeñaría clínica en centros sanitarios.

No caso do alumnado que solicite a súa admisión e posúa un título diferente, valorarase a súa admisión en función de que poida xustificar que os seus estudos previos conducisen á adquisición dos coñecementos correspondentes ao perfil xenérico dun titulado nun grao relacionado co ámbito das TIC, do cal se espera que teña coñecementos de programación, deseño de algoritmos, redes de computadores, protocolos básicos de comunicación entre dispositivos, circuítos electrónicos, así como coñecementos de estatística. Para iso, o alumnado deberá achegar na súa solicitude, alén do seu currículum vítae, o título de grao que posúa, así como o detalle do plan de estudos cursado no que apareza a carga docente de cada unha das materias e a ficha descritiva daquelas que fosen relevantes para a xustificación de adquirir os coñecementos correspondentes ao perfil xenérico descrito no parágrafo anterior. Achegará tamén a súa experiencia laboral relacionada coa IoT, de ser o caso.

O baremo con que se avaliarán as solicitudes de ingreso basearase nos seguintes aspectos:

• Expediente académico: ata o 70 % da nota. Para o alumnado procedente de titulacións diferentes das preferentes, o seu expediente académico será dividido entre 2.
• Experiencia investigadora: ata o 30 % da nota.
• Experiencia laboral: ata o 30 % da nota.
• Outros méritos: relacionados co ámbito de IoT: ata 10% da nota.

As porcentaxes concretas asociadas ao baremo para cada curso académico serán establecidas e publicadas con anterioridade ao comezo dos períodos de preinscrición e matrícula.
 

O perfil recomendado para cursar o mestrado é o de titulado/a de grao ou mestrado dunha temática directamente relacionada coas TIC ou coa electrónica, preferentemente Enxeñaría de Telecomunicación, Enxeñaría Informática e Enxeñaría Industrial. A titulación facilita a incorporación tanto de novos egresados/as como de profesionais do sector con experiencia que desexen focalizar a súa carreira profesional no ámbito de IoT. Neste último caso, facilítase a matrícula a tempo parcial para permitir compatibilizar os estudos do máster coa vida laboral.

O programa de mestrado pon especial énfase na aplicación da seguridade en toda a cadea de valor da IoT e abrangue tamén outras áreas clave no desenvolvemento desta tecnoloxía, como a computación na nube ou o procesamento masivo de datos.

Para tratar os problemas e solucións específicos dos principais dominios de aplicación, onde a IoT se sitúa como a tecnoloxía facilitadora máis importante, definíronse tres especialidades :

• IIoT : esta especialidade examina aspectos como as fábricas intelixentes, a industria 4.0 ou a IoT verde, ademais de contidos específicos sobre aplicacións de procesamento de vídeo ou procesamento de datos masivos (big data) no ámbito industrial.
• Sociedade 5.0: esta especialidade afonda en diversos dominios de aplicación da chamada sociedade 5.0, como o uso de sistemas IoT para a saúde (Smart Health), para cidades intelixentes (Smart Cities ), edificios e fogares intelixentes, ademais de contidos específicos sobre despregamento de redes, aplicacións de procesamento de vídeo ou o tratamento de datos masivos nestes dominios.
• Vehículos conectados: esta especialización abrangue todos os aspectos relacionados co uso de sistemas de IoT para vehículos conectados.

En concreto, trata a aplicación dos fundamentos da IoT a coches conectados, vehículos aéreos non tripulados (UAV) e sistemas de transporte intelixentes (ITS), ademais de contidos específicos relacionados co despregamento de redes IoT , aplicacións de procesamento de vídeo ou o procesamento de datos masivos no campo específico do vehículo conectado.
 

As persoas egresadas están preparadas para o deseño, configuración, integración e adaptación de sistemas IoT aplicables a múltiples campos, ao ser a IoT de aplicación transversal en innumerables ámbitos.

De forma máis concreta, poderán desempeñar o seu traballo como:

• Desenvolvedor/a de sistemas, servizos e aplicacións baseados en IoT
• Experto/a en domótica
• Xestor/a de proxectos de tecnoloxías de última xeración
• Desenvolvedor/a de estratexias IoT
• Consultor/a IoT
• Analista de datos especializados en IoT
• Experto/a en ciberseguridade para IoT
• Investigador/a en IoT
• Arquitecto/a de solucións IoT

Ademais, as tres especialidades propostas permitirán gañar profundidade nunha das tres áreas fundamentais para a sociedade moderna actual, formando expertos/as en:

• Sociedade 5.0: expertos/as na aplicación das tecnoloxías IoT a ámbitos como a saúde, as cidades intelixentes ou os edificios e fogares intelixentes
• IIoT: desenvolvedores/as expertos nas tecnoloxías IoT para a industria 4.0/5.0, incluíndo a integración de sistemas IIoT, o desenvolvemento de xemelgos dixitais para plantas industriais ou a creación de sistemas IoT enerxeticamente eficientes.
• Vehículo conectado: expertos/as en tecnoloxías IoT aplicables a vehículos conectados, a sistemas de transporte intelixentes ou a sistemas aéreos non tripulados
   

Os criterios de avaliación das solicitudes aceptadas pola comisión académica basearanse nos seguintes aspectos:

• Expediente académico: ata o 70 % da nota. Para o alumnado procedente de programas de grao que non se consideren preferentes, o seu expediente académico multiplicarase por un factor de ponderación, inferior a 1, relacionado cos cursos realizados en habilidades de programación, deseño de algoritmos e coñecementos de electrónica. O método para calcular este factor de ponderación será determinado pola comisión académica antes de que comece o proceso de preinscrición e matrícula.
• Experiencia investigadora : ata o 30 % da cualificación. Poderá concertarse unha entrevista persoal para avaliar a idoneidade.
• Experiencia laboral: ata o 30 % da cualificación. Poderase concertar unha entrevista persoal para avaliar a idoneidade.
• Outros méritos relacionados co campo da realidade ampliada: ata un 10 % da nota. Poderase concertar unha entrevista persoal para avaliar a idoneidade.
• Situación de desemprego no momento de solicitar a reserva de praza: ata o 10 % da nota.

As porcentaxes específicas asociadas á escala para cada curso académico estableceranse e publicaranse con antelación ao inicio dos períodos de preinscrición e matrícula.

A comisión académica establecerá as equivalencias entre os estudos cursados noutras universidades e os que poidan ser recoñecidos no plan de estudos.

Experiencia laboral:
A experiencia profesional acreditada tamén poderá ser recoñecida en forma de créditos, ata un máximo de 7,5 ECTS. En concreto, os créditos do curso de prácticas externas poderán ser recoñecidos por experiencia laboral e profesional acreditada, sempre que a experiencia fose, polo menos, como enxeñeiro/a, técnico/a, diplomado/a, graduado/a no campo dos proxectos de realidade estendida (XR).
 

En xeral, a candidatura ideal terá un título nun campo relacionado coas TIC, que se considera a cualificación preferida. Espéranse habilidades de programación, experiencia en deseño de algoritmos e coñecementos de arquitectura informática. Os candidatos/as cun título técnico que non se considere a cualificación preferida seguirán téndose en conta para a avaliación. As persoas profesionais con experiencia no sector que desexen centrar o seu desenvolvemento profesional na XR poden solicitar unha matrícula a tempo parcial para combinar o seu traballo cos seus estudos de mestrado.

• Desenvolvemento de sistemas de realidade estendida: oportunidades profesionais e académicas.
• Deseño de experiencias de realidade estendida en fabricación e loxística.
• Deseño de experiencias de realidade estendida no campo da saúde e o benestar.
• Consultaría na optimización de sistemas de realidade estendida.
• Xestión e produción de proxectos: capacidade para liderar equipos multidisciplinares empregando metodoloxías áxiles. Deseño e implementación de xemelgos dixitais.
• Consultor tecnolóxico especializado en aplicacións educativas, publicitarias ou de entretemento.
• Consultor en tecnoloxías disruptivas.
• Comezo dunha carreira investigadora.

Os criterios específicos de admisión para o mestrado serán, por orde de prioridade, a afinidade da tiulación, as cualificacións de acceso das persoas solicitantes, e outros méritos relacionados co campo das telecomunicacións. 

Daráselles preferencia ás persoas tituladas directamente relacionadas coas tecnoloxías da información e a comunicación, seguidas das tituladas en disciplinas científicas básicas (matemáticas, física ou campos relacionados), e estas terán prioridade sobre calquera outra cualificación académica. 

A experiencia profesional previa no campo da telecomunicación será considerada pola comisión académica do mestrado como un criterio adicional para as decisións de admisión, así como, se se considera necesario, entrevistas persoais cos solicitantes para avaliar adecuadamente a súa aptitude e motivación. 

A comisión académica poderá definir complementos de formación para algúns perfís de ingreso. Os ditos complementos serán materias do grao en telecomunicación.

Os criterios de admisión basearanse nos seguintes aspectos :

• A idoneidade da titulación para a admisión aos contidos do programa de mestrado ponderarase cun 60 %. A comisión académica do mestrado terá a última palabra á hora de decidir sobre a idoneidade da titulación.
• O expediente académico, cunha ponderación do 30 %.
• Outros méritos relacionados co ámbito da telecomunicación (experiencia laboral, formación extracurricular, participación en actividades relacionadas etc.), cunha ponderación do 10 %.
   

O MET ten como obxectivo formar profesionais na vangarda dos coñecementos tecnolóxicos e as habilidades profesionais que sustentan a nosa sociedade interconectada e dixital, como as tecnoloxías telemáticas, os sistemas electrónicos, o procesamento de son e imaxe e os sistemas de telecomunicacións. A formación que se ofrece neste mestrado afonda nos conceptos que se tratan no Grao en Enxeñaría de Telecomunicacións, proporcionando unha formación sólida e versátil que dota os titulados dunha alta capacidade de adaptación a un sector en constante evolución.
 

O Mestrado de enxeñaría de telecomunicación capacita para o exercicio da profesión de enxeñeiro/a de telecomunicación, que actualmente ten cotas de plena ocupación, sendo o perfil das persoas profesionais uns dos máis demandados no ámbito tecnolóxico e con máis  perspectivas de futuro.

Os egresados/as son quen de analizar, deseñar, implementar, explotar e xestionar sistemas, redes, servizos, equipos, compoñentes ou procesos dentro do ámbito das tecnoloxías da información e as comunicacións (TIC). Desenvolverán cargos técnicos e directivos en empresas do ámbito da electrónica e as telecomunicacións:

• Operadoras de telecomunicación (radio, televisión, telefonía, internet etc.)
• Empresas de desenvolvemento de equipos e tecnoloxía de telecomunicacións
• Empresas do sector da enxeñaría electrónica
• Empresas do sector da enxeñaría de comunicación de datos
• Empresas do sector da enxeñaría audiovisual
• Deseño de redes de comunicación
• Consultaría de empresas de TIC
• Deseño de aplicacións de software e multimedia
• Empresas de sectores afíns: 
  • Enerxía
  • Saúde
  • Seguridade e defensa
  • Automoción
  • Transporte terrestre, aeroespacial e marítimo
  • Banca e sector financeiro
  •  Automática e robótica
  •  Cidades intelixentes
  •  IoT (Internet das cousas/Internet of Things)
  •  Domótica e  inmótica
  •  Cadea de bloques (blockchain)
  •  Industria 4.0.
  •  Macrodatos (big data)
  •  Bioenxeñería.
  •  Aplicacións espaciais e satélites.
  •  Exercicio libre da profesión (proxectos,  peritaxes, instalacións etc.)

Cabe lembrar que os sistemas de información están presentes en todas as áreas de actividade.

A comisión académica do mestrado estudará cada solicitude e poderá rexeitar aquelas que, pola titulación de acceso, non estean en condicións de poder aproveitar os ensinos do mestrado, é dicir, que a súa titulación non estea dentro do ámbito exposto no apartado de perfil de acceso recomendad

Os criterios de admisión basearanse nos seguintes aspectos: 

• Adecuación da titulación de acceso aos contidos do mestrado 
• Expediente académico

Fíxanse os seguintes criterios de admisión: 

• Titulación de acceso (entre 0 e 2 puntos), segundo a idoneidade da titulación de acceso cos obxectivos e contidos do mestrado
• Expediente académico da titulación de acceso (entre 0 e 1 punto). 
• A puntuación establecida xera unha ordenación onde cada criterio é preferente de forma xerárquica. Coa puntuación obtida ordénanse as solicitudes e admítense estudantes ata cubrir as prazas ofertadas. 
   

As persoas que queiran ser admitidas no título deberán estar preferentemente en posesión dun grao en: 

• Enxeñaría Mecánica
• Enxeñaría en Electrónica Industrial e Automática 
• Enxeñaría en Tecnoloxías Industriais 
• Enxeñaría Eléctrica 
• Enxeñaría da Enerxía 
• Enxeñaría de Tecnoloxías de Telecomunicación 
• Enxeñaría Aeroespacial 
• Intelixencia artificial 
• Enxeñaría Informática 
• Robótica 
• Enxeñaría Naval e Oceánica 
• Tecnoloxías Mariñas 
   

A innovación tecnolóxica asociada á autonomía e intelixencia dos vehículos, apoiada na existencia dun marco xurídico europeo propicio para a súa chegada e no impulso da mobilidade sostible, fai cada vez máis necesaria a existencia de perfís profesionais neste ámbito e de titulacións, como a que se propón, que doten ao estudante das competencias requiridas para o seu correcto desempeño e desenvolvemento profesional e que poida aproveitar todas as oportunidades que se presentarán nos próximos anos dentro do campo dos vehículos autónomos. 

Así pois, o Mestrado universitario en vehículos autónomos ten como obxectivo xeneral proporcionar unha formación avanzada en temas de mobilidade a todos os niveis (terrestre, aérea e mariña), cunha clara orientación cara a unha especialización profesional de alto nivel, que axude a coñecer os aspectos e os retos tecnolóxicos da mobilidade e, á súa vez, sexa un instrumento que permita mellorar a empregabilidade dos egresados e que favoreza a promoción de iniciativas para o desenvolvemento da nosa comunidade autónoma en sectores estratéxicos. 

Outro dos obxectivos fundamentais é formar ao alumnado nos ámbitos de coñecemento que subxacen na mobilidade autónoma, entre os que se inclúen as telecomunicacións, a electrónica, o deseño industrial, a robótica e a intelixencia artificial, entre outros. 

En esencia, pretende ofrecer unha formación superior a nivel ARROLAS 3 (EQF 7) que complemente e reforce a formación dos graduados, fundamentalmente das enxeñarías, constituíndo unha vía para a especialización dos estudantes nun ámbito moi demandado polas sociedades desenvolvidas, os vehículos autónomos, e cun enorme potencial de cara ao futuro. 

Algunhas das principais saídas profesionais vinculadas a un perfil dos estudos de máster son as seguintes:

• Dirección ou participación en grupos de investigación especializados no sector.
• Dirección e actividades profesionais no contexto de departamentos de I+D+i xa sexa nunha empresa do sector, nun centro de investigación ou nun centro tecnolóxico.
• Dirección de proxectos industriais relacionados cos vehículos autónomos.
• Responsable do desenvolvemento de produtos/servizos empregados nos vehículos autónomos.
• Dirección de institutos de investigación.
• Dirección de infraestruturas e recursos relacionados coa mobilidade.
• Dirección de desenvolvemento de solucións de software.
• Autoemprego, mediante a posta en marcha de start-ups relacionadas co ámbito dos vehículos autónomos.