Máster Universitario en Desafíos das Cidades
Características
O mestrado nace co obxectivo de analizar os desafíos actuais das cidades e as súas respectivas respostas para transformalas en cidades sostibles, intelixentes, eficientes, resilientes e inclusivas.
O título, que xorde no marco do proxecto Universidade sem Fronteiras (UNISF), ofrece un amplo coñecemento dos problemas urbanos contemporáneos, das dúas diversidades, evolucións e posibles solucións, así como de políticas, plans e intervencións, adquirindo competencias profesionais avanzadas para intervir ben en institución públicas ou en empresas privadas implicadas no desenvolvemento do territorio.
Acceso e admisión
Criterios de admisión
- Adecuación da titulación de acceso e do currículo aos contidos do mestrado.
- Expediente académico.
- Outros méritos relacionados co ámbito do mestrado (experiencia laboral, formación extracurricular, participación en actividades relacionadas cos obxectivos do mestrado etc.).
O expediente académico terá un peso máximo do 70 % do total, e os outros méritos un peso máximo do 30 %.
Perfil de ingreso recomendado
O mestrado diríxese fundamentalmente ao seguinte público:
- Persoas cun título de grao.
- Sector público: postos de alta responsabilidade na función pública, en particular ao servizo de municipios, institucións rexionais e nacionais.
- Postos de alta dirección no exercicio privado, en particular de empresas de consultoría con intervención en entidades públicas e privadas con participación no desenvolvemento e planificación do territorio.
- Postos de xerencia e liderado con intervención nas cidades que apoian directamente cargos con responsabilidade política.
Obxectivos xerais da titulación
Analizar os desafíos e as respostas para os dominios que apoian unha cidade sostible.
Plan de estudos
Saídas profesionais
O alumnado egresado da titulación obterá un amplo coñecemento dos problemas urbanos contemporáneos, as súas diversidades, evolucións e posibles solucións, así como sobre políticas, plans e intervencións, ao adquirir competencias profesionais avanzadas para intervir tanto en institucións públicas (gobernos rexionais, municipais, locais e outras entidades de xestión do territorio) como en empresas privadas con intervención no desenvolvemento do territorio.