Máster Universitario en Intervención Multidisciplinar na Diversidade en Contextos Educativos

A selección realizarase por expediente académico, dentro dos diferentes grupos:

• 22 prazas para graduados/as en Educación Infantil, Educación Primaria, Educación Social, Traballo Social, Pedagoxía ou Psicoloxía, así como para titulados/as en estudos universitarios extinguidos equivalentes.
• 6 prazas para quen posúa outros títulos universitarios oficiais españois ou calquera outra titulación oficial equivalente. De non cubrirse as prazas deste último grupo acumularanse ao colectivo anterior.
• 2 prazas para estudantado estranxeiro do EEES, con estudos relacionados coa educación ou a intervención social ou socioeducativa. Deberán posuír dominio oral e escrito aceptable do español, galego ou portugués. No caso de non ser cubertas estas prazas poderán ser acumuladas ao primeiro grupo.
• 2 prazas para estudantado estranxeiro alleo ao EEES, cos requisitos mencionados no grupo anterior.
   

O perfil idóneo de ingreso para o estudantado do mestrado é o de persoas con intereses transversais especialmente vinculadas coas relacións interpersoais:

• Interesarse polo desenvolvemento humano e comunitario.
• Saber traballar en grupo, en equipos multidisciplinares e en contextos de diversidade.
• Posuír capacidade crítica, autocrítica e compromiso ético.
• Interesarse pola formación democrática e solidaria e a resolución de conflitos.

Ao mesmo tempo e, dado o carácter de intervención do mestrado, o estudantado deberá ser capaz de asumir situacións de risco, ser creativo, e ser capaz de deseñar e avaliar programas de intervención educativa.
 

• Adquirir coñecementos avanzados e demostrado, nun contexto de investigación científica e tecnolóxica ou altamente especializado, unha comprensión detallada e ben fundamentada dos aspectos teóricos e prácticos e da metodoloxía de traballo nun ou máis campos de estudo.
• Saber aplicar e integrar os seus coñecementos, a súa comprensión, a súa base científica e as súas capacidades de resolución de problemas en contornas novas e imprecisas, incluíndo contextos multidisciplinares tanto de investigadores como de profesionais altamente especializados.
• Saber avaliar e seleccionar a teoría científica axeitada e a metodoloxía precisa dos seus campos de estudo para formular xuízos baseados en información incompleta ou limitada, incluíndo, cando sexa necesario e relevante, unha reflexión sobre a responsabilidade social ou ética vinculada á solución proposta en cada caso.
• Ser capaz de predicir e controlar a evolución de situacións complexas mediante o desenvolvemento de metodoloxías de traballo novas e innovadoras adaptadas ao ámbito científico/investigador, tecnolóxico ou profesional específico, xeralmente multidisciplinar, no que se desenvolve a súa actividade.
• Ser capaz de transmitir de forma clara e inequívoca a un público especializado ou non especializado os resultados da investigación científica e tecnolóxica ou do campo da innovación máis avanzada, así como os fundamentos máis relevantes nos que se basean.
• Desenvolver a autonomía suficiente para participar en proxectos de investigación e colaboracións científicas ou tecnolóxicas dentro do seu campo temático, en contextos interdisciplinares e, se é o caso, cun alto compoñente de transferencia de coñecemento.
• Ser capaz de asumir a responsabilidade do seu propio desenvolvemento profesional e especialización nun ou máis campos de estudo.
• Ampliando a formación dende estudos de primeiro ciclo, relacionada tanto cos campos conceptuais da diversidade en contextos educativos formais e non formais, como sendo capaz de ofrecer novas iniciativas na resolución de problemas, nas que a fundamentación teórica sexa tan importante como o grao de orixinalidade e adaptación a contextos específicos.
• Unha formación multidisciplinar, pedagóxica, didáctica, psicolóxica e sociocultural , sendo capaz de integrar coñecementos e aplicalos na resolución de problemas en contextos pouco coñecidos ou totalmente novos relacionados coa materia do mestrado.
• Ser capaz de integrar a formación teórica e a práctica para emitir xuízos de valor ante situacións complexas e ambiguas de diversidade individual e cultural, e para as que se dispón de información limitada.
• Ser conscientes das implicacións persoais e sociais que poden derivarse das nosas decisións, especialmente ao tratar con grupos que poden sufrir algún tipo de marxinalización causada pola súa diferenza.
• Comunicar de forma clara e eficaz as conclusións extraídas de estudos ou decisións tomadas como profesionais, tanto a públicos especializados como, especialmente, a públicos máis relacionados co mundo laboral (outros compañeiros, xestores administrativos, etc.) e aos usuarios dos servizos educativos e sociais aos que se dirixen.
• Desenvolver un proceso de formación continua, en liña coa aprendizaxe ao longo da vida, unha vez adquiridas as competencias relacionadas coa autonomía e a autoaprendizaxe.