Máster Universitario en Matemática Industrial
Características
O Mestrado en matemática industrial (M2I) é unha fusión de dúas titulacións oficiais: o Mestrado en enxeñaría matemática, impartido nas universidades de Santiago de Compostela, A Coruña e Vigo, e o Mestrado en matemática industrial, impartido na Universidad Carlos III de Madrid.
Ademais das universidades responsables das dúas titulacións mencionadas, participa tamén a Universidad Politécnica de Madrid; todas elas buscan aproveitar as sinerxías e unificar materias xa impartidas en mestrados específicos de enxeñaría cun forte compoñente matemático.
Acceso e admisión
A priorización das candidaturas, en cada unha das universidades participantes, será polo expediente académico, atendendo á orde de preferencia das titulacións recomendadas, para o caso en que o número de prerexistros no mestrado supere o número de prazas dispoñibles.
Expediente académico
Orde de preferencia das titulacións:
- Titulacións (licenciaturas ou graos) en Matemáticas, Física e Enxeñaría.
- No caso de quedar vacantes, entrarían o resto de titulacións das grandes áreas de enxeñaría e arquitectura, e ciencias.
- Se aínda quedasen vacantes, titulación (licenciaturas ou graos) en Economía e Administración de Empresas.
Perfil de ingreso recomendado
- Graos en Matemáticas e Física
- Graos da área de enxeñería e arquitectura
- Graos da área de ciencias
- Graos en Economía e Administración de Empresas
- Enxeñarías técnicas ou superiores
- Licenciaturas en ciencias, especialmente Matemáticas, Física, Química e Bioloxía. Licenciaturas en Económicas e Administración de Empresas
Obxectivos xerais da titulación
Ampliar as habilidades analíticas e os coñecementos do alumnado que formará futuros equipos de investigación e profesionais.
Proporcionar habilidades concretas relacionadas co deseño, construción e uso de software específico para polo menos un dos sectores industriais. Introducir o alumnado en temas de investigación e desenvolvemento relacionados coas materias que conforman este programa.