I+D contratada

É un encargo con compoñente de investigación ou desenvolvemento (I+D). O seu importe é xeralmente superior a 18.000 € e pode ter unha duración plurianual.

Pode ser un estudo, análise, prestación de servizos, peritaxe, consultoría ou asesoramento puntual. O seu importe é xeralmente inferior a 18.000 € e non pode superar o ano de duración.

É unha actividade de formación non regrada realizada por encargo dunha entidade externa.

O artigo 60 da LOSU non ampara actividades continuadas e prolongadas no tempo que supoñan vinculación estable coa entidade contratante. Así mesmo, denega a compatibilidade para a realización de actividades que non teñan o nivel académico do profesorado universitario, que poidan prexudicar a actividade docente ou que impliquen funcións impropias. Ademais, están excluídas:

• Os contratos editoriais sobre publicacións de libros, traballos traducións ou orixinais destinados á publicación
• Os premios obtidos por PDI (individual ou colectivo)
• A participación en conferencias, xornadas ou seminarios
• Formación incluída na oferta docente da UVigo
• Concursos de ideas ou anteproxectos de obras
• Actividades profesionais alleas á Universidade por parte do profesorado a tempo parcial

Recoméndase dirixirse á Oficina de I+D para acompañarte no proceso, xa que vai ser a Universidade a licitadora e, eventualmente, a adxudicataria da mesma.

Recoméndase dirixirse á Oficina de I+D, onde se lle asesorará e se axudará a xestionar adecuadamente a actividade, garantindo o cumprimento da normativa aplicable.

Os contratos deben levar a sinatura da persoa que ocupe a Vicerreitoría con competencias en materia de Transferencia e mais a da persoa representante da entidade.

Os informes e os cursos deberán asinarse pola persoa responsable da actividade e pola persoa representante da entidade que fai o encargo.

As sinaturas deben ser iguais, ou todas manuscritas ou todas electrónicas. Non se admiten dous tipos de sinatura distintos nun mesmo documento.

Se se usan sinaturas manuscritas, é necesario enviar os orixinais por correo postal. As sinaturas escaneadas non son válidas.

Se se usan sinaturas electrónicas, o documento ten que estar asinado por todas as partes e as sinaturas teñen que aparecer validadas.

Admítense sinaturas a través de Acrobat Sign (ou outras similares) sempre que veñan acompañadas do correspondente informe.

En actividades con varios fitos de pagamento recoméndase non superar tres prazos. Sempre hai que deixar unha factura para o final da actividade e debe coincidir co peche da mesma.

A da persoa investigadora responsable da actividade. De haber máis dunha, deben asinar todas.

A da persoa responsable de autorizar segundo pertenza a unha estrutura, nesta orde de prelación:

• Responsable do centro/instituto
• Responsable do grupo de investigación
• Responsable do departamento

O importe do proxecto ten que indicarse sen IVE.

Os custos indirectos da universidade son un 15% do importe total.

A subcontratación non debe superar o 50% do importe total.

A asignación á Acción Estratéxica de Investigación (AEI) non pode superar o 40% do importe total.

Si, pódense.

Segundo o Real Decreto 1930/1984, existe un importe máximo por persoa e actividade, e un máximo anual:

• Por persoa e actividade: 17.760€ (vixente no ano 2026). De superarse, hai que destinar un 25% do que exceda á AEI. De non tela, ao departamento
• Importe máximo anual: 145.685,1€ (vixente no ano 2026).

Pode ser Investigador/a Principal (IP) o persoal catedrático, titular, contratado doutor e permanente laboral, así como o persoal investigador posdoutoral con traxectoria consolidada (como axudante doutor, Ramón y Cajal, Beatriz Galindo, Distinguido, Oportunius, Retención de Talento ou Marie Curie), con vinculación laboral coa UVigo, sempre que o seu contrato cubra todo o período de execución.

Ademais destas persoas, poderán ter participación na actividade outras en función da súa modalidade de contrato coa UVigo. Neste senso, require de autorización previa a Recursos Humanos de Investigación o persoal predoutoral e o posdoutoral tipo A (agás se está de estadía fóra, que non podería participar ata o remate da mesma).

Non pode participar o profesorado asociado nin o persoal indefinido contratado nun proxecto con financiamento público.

O persoal doutras universidades ou entidades públicas pode participar con autorización expresa da súa entidade.