Semana Internacional da UVigo 2026

Datas: do 4 ao 8 de maio de 2026

Lugar: Universidade de Vigo

Persoas destinatarias: persoal académico e administrativo de institucións de educación superior.

Inscrición: 100 €

Na sociedade globalizada actual, as institucións de educación superior están chamadas a incorporar a internacionalización como un compoñente esencial da súa misión e funcionamento.

A Semana Internacional da UVigo 2026 reunirá profesionais de todo o espectro da educación superior nun evento multisectorial e transversal, deseñado para fomentar o diálogo, a colaboración e a innovación.

Ao longo da semana, as persoas participantes asistirán a sesións diarias centradas en temas clave, favorecendo o intercambio de boas prácticas, experiencias e perspectivas entre colegas de diferentes contextos institucionais e culturais.

A Semana Internacional da UVigo promociona o diálogo internacional e a aprendizaxe mutua, proporcionando ferramentas e coñecementos para afrontar os retos dun ecosistema educativo en constante evolución.

O programa provisional publicarase proximamente.