Outras actividades de investigación
Oportunidades de financiamento para subvencionar diversas accións relacionadas coa actividade investigadora
Organización de eventos
Organizacion de congresos
Esta acción ten como obxectivo estimular a organización de congresos científicos sobre problemas especializados concretos, que permitan o intercambio de coñecementos entre especialistas, españois ou estranxeiros, sempre que se cumpra o requisito imprescindible de que se presenten e defendan traballos científicos orixinais que deberán ser publicados nun libro de actas.
Axudas para a realización, comisariado e montaxe de exposicións artísticas
Poderán formular solicitudes aquelas persoas investigadoras doutoras que
teñan como un dos seus posibles resultados a realización ou montaxe dunha exposición da súa obra creativa.
Actividades de transferencia
Axudas para o desenvolvemento e consolidación das EBT
A finalidade desta convocatoria é a concesión, en función da dispoñibilidade orzamentaria e en concorrencia competitiva, de subvencións para fomentar a creación e o desenvolvemento das EBT da Universidade de Vigo xurdidas en calquera ámbito de coñecemento, mediante o financiamento, nos termos previstos nesta convocatoria, dos gastos que lles supoña a súa instalación en algún dos espazos dispoñibles.
Produción científica
Produción de investigación
Proceso para a avaliación da produción de investigación dun determinado ano no que se detallan os criterios, o procedemento e a documentación acreditativa requirida.
Produción de transferencia
Proceso para a avaliación da produción de transferencia do ano 2016 detallándose os criterios, o procedemento e a documentación acreditativa requirida.
Convocatorias para grupos
Programa de Soporte á Xestión Económica de Grupos de Investigación
O programa soporte consiste na apertura de aplicacións orzamentarias de gasto para a xestión económica das actividades de I+D+i de grupos de investigadoras e investigadores da universidade.
Axudas á reparación de equipamento científico
Esta acción ten como obxectivo axudar aos grupos de investigación no mantemento da súa infraestrutura científica en funcionamento. Isto inclúe a reparación e posta a punto do equipamento, quedando loxicamente excluídos os gastos funxibles e a substitución daquelas partes do equipamento que teñan necesariamente que seren substituídas cada certo tempo (por exemplo, as lámpadas dos espectrofotómetros ou as cubetas de moitos equipamentos).
Se precisas ampliar información sobre estas convocatorias podes contactar coa Sección de Proxectos do Servizo de Apoio á Investigación e Desenvolvemento
Tel. 986 813 420 / 986 814033
Enderezo electrónico: proxectos.investigacion@uvigo.es