A I+D+i na UVigo
A nosa experiencia e capacidade de innovación fannos un socio ideal para o desenvolvemento conxunto de proxectos multidisciplinares e transnacionais.
Desde o noso nacemento, na Universidade de Vigo apostamos pola excelencia co obxectivo de converternos nun referente innovador dentro do sistema universitario, tanto na investigación básica como na aplicada; na xestión e na transferencia do coñecemento. O mesmo obxectivo é o que impulsa o proceso de internacionalización das nosas actividades.
En esquema podemos dicir que somos unha institución:
- Emprendedora. Creamos, difundimos e transferimos coñecementos e I+D+i ao tecido produtivo, liderando alianzas estratéxicas por medio de centros e plataformas tecnolóxicas.
- Innovadora e de progreso nos procesos de investigación básica e aplicada.
- Consolidada na nosa proxección internacional.
Os nosos números máis significativos
+1700
PERSOAS INVESTIGANDO
185
GRUPOS DE INVESTIGACIÓN
+24 M€
EN RECURSOS CAPTADOS
+6 M€
EN I+D CONTRATADA
+200
PATENTES ACTIVAS
30
NOVAS EMPRESAS BASEADAS NO COÑECEMENTO
A Vicerreitoría de Investigación e Transferencia
É a estrutura que dirixe a política científica, as actividades da promoción, difusión, xestión da investigación, desenvolvemento e innovación. Ten competencias sobre as axudas á investigación propias e alleas, a formalización de contratos e convenios, a transferencia de resultados de investigación e a xestión e coordinación de todos os recursos de investigación (infraestruturas, equipamentos, Institutos e centros de investigación).