Celebración do Día internacional da muller na UVigo
Data de celebración:
9 de marzo de 2021 ás 12:00Dirixido a
Estudantes , Medios , PAS e PDIOrganiza
Universidade de VigoLugar
En liña
36310 Vigo
España
Tipo de evento
Acto institucional e MúsicaEntrada:
De baldeModalidade
VirtualEn formato totalmente virtual e retransmitido en directo por UVigoTV
A Universidade de Vigo conmemora o Día internacional da muller cun acto virtual e aberto, que será retransmitido en directo por UVigoTV. Tras unha actuación musical do grupo galego Blues do País, formado por Bieita James e Pepe King, será o reitor, Manuel Reigosa, quen abra a celebración, na que terá lugar a entrega do noveno Premio do compromiso coa igualdade de xénero da Universidade de Vigo, uviguala 2021, que representa o compromiso da institución por acabar coa desigualdade entre homes e mulleres, así como o recoñecemento ao esforzo e ao traballo desenvolvido polas persoas galardoadas.
O acto encádrase na campaña desenvolvida pola UVigo co gallo do 8M, coa que, baixo o lema Mudamos o mundo desde o feminismo: aprendemos a mirar, se busca deixar patente a necesidade de incorporar á vida universitaria a perspectiva de xénero.