Servizo de Recursos Humanos de Investigación
A misión do Servizo de Recursos Humanos de Investigación é prestar apoio técnico e administrativo para a incorporación á Universidade de Vigo de persoal que dea soporte á actividade investigadora.
Funcións
- Tramitar e xestionar os procesos de acceso e de provisión de persoal investigador e persoal técnico e de xestión científico técnica, así como aqueles procesos de selección que se convoquen ao abeiro de convocatorias de programas con financiación específicas para soporte da investigación e innovación.
- Xestionar a contratación do persoal do ámbito da súa competencia.
- Prestar apoio á realización das actividades de captación, capacitación, formación e mobilidade do persoal da súa competencia.
- Dar soporte administrativo aos procesos que, por razón da materia, estean relacionados co vínculo do persoal do ámbito da súa competencia.
- Xestionar o expediente de persoal dos recursos humanos de investigación.
- Tramitar o recoñecemento da carreira profesional.
- Controlar e xestionar o cadro de persoal, altas, baixas e modificacións.
- Elaborar informes na materia da súa competencia á instancia da Xerencia.
- Asesorar a Xerencia, a vicexerencia e a vicerreitoría competentes no ámbito da investigación, nas materias da súa competencia.
- Participar nas comisións, grupos de traballo ou órganos colexiados en materias da súa competencia á proposta da Xerencia.
- Calquera outras que por razón do ámbito competencial lle poidan ser encomendadas pola Xerencia.