Marcos Dopico Castro

Licenciado en Belas Artes coa especialidade de Deseño e Audiovisuais pola Universidade de Vigo (1997). Doutor en Belas Artes pola Universidade de Vigo (2009). Profesor Contratado Doutor (2011) na Universidade de Vigo (España), imparte docencia nas materias de Proxectos de Deseño e Audiovisuais no Grao en Belas Artes e no Mestrado en Deseño e Dirección Creativa en Moda na Facultade de Belas Artes do campus de Pontevedra. Ademáis imparte docencia na materia de Deseño Editorial e Tipográfico no Master Universitario en Dirección de Arte en Publicidade da Facultade de Ciencias da Comunicación. Como profesional do deseño traballa nos campos do deseño gráfico, especializándose en deseño de tipografía. A súa labor investigadora inclúe as áreas de influencia da modernidade na gráfica e a tipografía contemporánea e a relación entre tradición e identidade no deseño en Galicia. Participou como profesional do deseño nas exposicións colectivas: "A creación do necesario: Aproximacións ó deseño do século XX en Galicia" no museo MARCO de Vigo (2004), "Arte, artesanía, deseño e sustanbilidade en Galicia no século XXI" no Centro Torrente Ballester de Ferrol (2016) e "Formas do deseño. Galicia XXI" no Auditorio de Galicia, SCQ (2019). Ten publicado dous libros: "Propuestas para un diseño normal", Ellago Ediciones: Castellón (España), 2009, e "Arqueología tipográfica: La evolución de los caracteres de palo seco", Campgrafic Editors: Valencia (España), 2011. Pertence á DAG Asociación Galega de Deseño, sendo socio fundador e presidente dende o 2011 ao 2014. Dende 2011 a 2015 foi Director da Área de Imaxe, responsable da implantación da identidade visual da Universidade de Vigo. Dende 2015 foi Vicedecano de Calidade da Facultade de Belas Artes e Coordinador do Grao en Belas Artes.