Xose Soto Andion

Doutor en Lingüística galega pola USC. Licenciado en Filoloxía Hispánica e en Filoloxía Galega. Profesor Titular de Universidade na UVigo. Foi boseiro no ILG e no CCG e mais traballou como lingüista e tradutor na administración autonómica e nos medios de comunicación. Realizou estadías de investigación na Universidade de Oxford e estadías docentes na Universidade de Helsinki. Participou en diversos proxectos de investigación e en numerosos congresos internacionais fóra de España. Publicou traballos en revistas internacionais de prestixio como Revue Romane, Modern Language Review, La Linguistique, Revue Roumaine de Linguistique, Vox Romanica, Lingüística, Zeitschrift Für Romanische Philologie, Estudis Romanics, Neuphilologische Mitteilungen, etc. É membro de asocións internacionais como a Societé International de Linguistique Fonctionnelle (SILF), Asociación de Filología y Lingüística de América Latina (ALFAL), Societé de Linguistique Romane (SLR), entre outras. Foi vicedecano e secretario de departamento na FFT.