Acordo transformativo con Wiley para publicar en aberto
A Universidade de Vigo, a través do Consorcio Interuniversitario do Sistema Universitario de Galicia (CISUG), participa nun novo acordo transformativo entre a CRUE-CSIC e a editorial John Wiley & Sons.
O acordo permite o acceso a todas as revistas de Wiley, ao tempo que habilita a publicación en acceso aberto sen custo adicional nas revistas híbridas do editor (hybrid OA) cubrindo o 100% das taxas de publicación (APC).
Para beneficiarse dos descontos nos APC:
- O autor ou autora da correspondencia (corresponding author) deberá ser membro da Universidade de Vigo e identificarse como tal mediante o seu correo institucional.
- Cómpre ter un artigo aceptado para a súa publicación entre o 1 de xaneiro e o 31 de decembro de 2021.
As persoas beneficiarias comprométense a:
- Facer constar no artigo a filiación normalizada segundo o Protocolo de normalización da filiación institucional da Universidade de Vigo.
- Incluír nos agradecementos unha mención ao financiamento recibido pola Universidade de Vigo e polo CISUG.
- Depositar a versión publicada do artigo no repositorio institucional Investigo para incrementar a súa visibilidade e garantir á súa preservación a longo prazo.
Máis información nas guías:
A Biblioteca Universitaria encargarase de xestionar as solicitudes e ofrecerá soporte e asesoramento sobre o procedemento que seguir.
As consultas pódense realizar a través do enderezo accesoaberto.biblioteca@uvigo.gal
Novas relacionadas
- O Consorcio Interuniversitario do Sistema Universitario de Galicia (CISUG) participa no acordo transformativo entre a CRUE-CSIC e a editorial Wiley (CISUG)
- Crue e CSIC asinan coa editorial Wiley un acordo transitorio para impulsar o acceso aberto en España (Crue)
- As universidades galegas dan un paso máis cara á ciencia aberta asinando un acordo coa editorial científica Wiley (Duvi)