A programación da 25ª Mostra Internacional de Teatro Universitario de Ourense, a Miteu, continúa co espectáculo Etxea/Casa, do grupo de Euskadi e Arxentina Aimar&Cía. A mostra, que se desenvolve do 2 ao 15 de xullo baixo a organización de Sarabela Teatro, conta nesta edición con 17 representacións de grupos de cinco países, estando un ano máis entre os seus patrocinadores a Universidade de Vigo.