A 26 edición da Miteu, a Mostra Internacional de Teatro Universitario de Ourense, inicia a súa programación coa estrea na praza da Biblioteca Pública de Ourense do espectáculo A tempo, da Aula Universitaria do Campus de Ourense Rosaura. Dirixida por Fina Calleja, a peza amosa "un traballo en proceso, un divertimento corporal, un xogo entre o soño e a realidade, un espectáculo onde rimos e sentimos, coa ilusión de interesar e divertir ao espectador". Con entrada de balde, o aforo é restrinxido.