Entre as 10.00 e as 14.00 horas desenvolverase a retransmisión, desde o campus de Vigo, do programa radiofónico co gallo do 30 aniversario de Ponte...nas ondas!

Alumnado de nove centros de Vigo e a súa bisbarra participará no evento, no que se estreará unha peza musical da docente e compositora Ana Senlle, o CEIP Seis do Nadal e o músico Pancho Álvarez e no que haberá actuacións musicais en directo de Magín Blanco e Xurxo Antúnez, do grupo Os terribles de Donas. Artesáns e artesás e persoas portadoras do patrimonio serán entrevistados polo alumnado, nunha mañá de radio transfronteiriza que contará coa participación de estudantado de 65 centros educativos de toda Galicia e o norte de Portugal.