O edificio de Ciencias Experimentais do campus de Vigo acolle o 18 e o 19 de xullo a 7ª edición do CINBIO Annual Meeting, no que toman parte preto de 200 investigadoras e investigadores, a maioría pertencentes á Universidade de Vigo (sobre todo do CINBIO) pero tamén doutros centros de investigación de Vigo (IEO-CSIC, IISGS) e outras institucións de Galicia (USC, IDIS, UDC); así como de Portugal (INL, Universidade de Minho, Universidade de Porto).

Un total de dez especialistas procedentes de Alemaña, Suíza, Francia e outros puntos de España serán os encargado de impartir os relatorios que nesta edición abordarán cuestións como o cancro, nanomateriais, inmunoloxía e síntese química.