Acto académico da festividade de San Tomé de Aquino
Data de celebración:
28 de xaneiro de 2022 ás 12:00Dirixido a
Entidades Colaboradoras , Estudantes , Medios , PAS , PDI e Público externoOrganiza
Universidade de VigoLugar
Facultade de Ciencias Económicas e Empresariais, Campus Universitario Lagoas-Marcosende
36310 Vigo
España
Tipo de evento
Acto institucionalEntrada:
De balde É necesaria reserva.Modalidade
SemipresencialPoderá seguirse en directo a través da canle 1 de UVigo-Tv
A Facultade de Ciencias Económicas e Empresariais acolle a celebración do acto académico de festividade de San Tomé de Aquino, no que se entregarán os Premios extraordinarios de grao, os Premios Egeria á inclusión da perspectiva de xénero nos traballos de fin de grao e máster e os Premios extraordinarios de doutoramento correspondentes aos cursos 2019-2020 e 2020-2021.
A este acto están convidadas de xeito presencial todas as autoridades académicas da Universidade de Vigo, tanto o equipo de goberno como todas aquelas persoas que están á fronte dos diferentes decanatos e direccións de centros e departamentos. O resto da comunidade universitaria poderá seguir este acto en directo a través da canle 1 de Uvigo TV.
Con motivo desta celebración todas as instalacións da Universidade de Vigo permanecerán pechadas nesta data, a excepción da propia Facultade de Ciencias Económicas e Empresarias que abrirá de xeito exclusivo para a celebración deste acto.