Asisten: Manuel Reigosa, reitor da Universidade de Vigo, e Gil Garrote, decano da Facultade de Ciencias

O alumnado da Facultade de Ciencias celebra a súa graduación. O acto estará presidido polo reitor da Universidade de Vigo, Manuel Reigosa; amadriñado por Sidonia Martínez, Ricardo Javier Bendaña e María Fernández e retransmitido por UVigo TV. Neste caso, festexerán o remate dos seus estudos a IX promoción de Ciencia e Tecnoloxía dos Alimentos (formada por 24 estudantes), a VIII promoción de Enxeñaría Agraria (15 persoas) e a VIII promoción de Ciencias Ambientais (37 persoas), sumando un total de 76 novos egresados e egresadas.