Arranca na Facultade de Filoloxía e Tradución o curso de formación en liña La promoción de la lectura en la población juvenil, actividade coorganizada polos docentes Beatriz Rodríguez Rodríguez e Jesús Meiriño Gómez, do Departamento de Tradución e Lingüística da Universidade de Vigo e a Asociación Nacional de Investigación en Literatura Infantil e Xuvenil, ANILIJ, e Vicente Calvo Fernández, da Asociación de Amigos del Libro Infantil y Juvenil e Universidad Rey Juan Carlos.

Con inscrición e matrícula de balde o curso, que se prolongará ata o 3 de abril, está destinado a profesorado en activo ou en formación, persoal de bibliotecas, libreiros/as, editores/as e calquera outro público interesado na literatura infantil e xuvenil.

Na primeira xornada do curso intervirán Gabriela Portiño, colaboradora de El Templo de las Mil Puertas e Jacobo Hernando Morejón, doctor en Historia.