No marco da novena edición da Máster Class Audiovisual Galego Augal, que os profesores Miguel Anxo Fernández e Paulino Pérez promoven co patrocinio da Axencia Galega das Industrias Culturais (Agadic), o plató de cine da Facultade de Ciencias Sociais e da Comunicación acolle unha sesión dedicada ás curtametraxes, protagonizada pola produtora, guionista e directora Olga Osorio. Presentada pola profesora Diana Ramahí, a cineasta presentará nesta xornada as súas curtas Restart, Einstein-Rosen e Mouras.