O salón de actos da Facultade de Ciencias Sociais e da Comunicación acolle unha nova sesión da décima edición da Máster Class Audiovisual Galego Augal, que os profesores Miguel Anxo Fernández e Paulino Pérez promoven co patrocinio da Axencia Galega das Industrias Culturais (Agadic). Nunha edición monográfica sobre a serie Hierro, Augal acolle a súa sesión de clausura, na que o produtor executivo de Portocabo, Alfonso Blanco, Fosco, imparte un relatorio titulado Desde o desenvolvemento á estrea.