Asisten: Jorge Soto, vicerreitor do campus de Pontevedra, e Pedro Cardona, comandante director da Escola Naval Militar 

La sociedad post-pandemia é o título do coloquio co que a Cátedra Almirante Álvarez-Ossorio, que promoven conxuntamente a Universidade de Vigo e a Escola Naval Militar de Marín, busca analizar este xoves os efectos da covid-19 en diferentes ámbitos. Moderada polo xornalista do Diario de Pontevedra Santy Mosteiro, a mesa conta coas intervencións de Pedro Baños, coronel na reserva e especialista en xeoestratexia; Juan Jesús Gestal, profesor emérito de Medicina Preventiva e Saúde Pública da Universidade de Santiago de Compostela (USC), e África González, catedrática de Inmunoloxía da Universidade de Vigo.

O coloquio poderá seguirse tamén de xeito virtual, a través das redes sociais da Armada.