No día grande da celebración de San Alberte 2018, patrón das facultades de Bioloxía, Ciencias do Mar e Química, o salón de actos do Edificio de Ciencias Experimentais acolle as seguintes actividades: 

11.15 horas: mesa redonda A muller na Ciencia, coa intervención de Alicia Estévez Toranzo, catedrática de Microbioloxía da USC; Rosa Claramunt, catedrática de Química Orgánica da UNED; Rosa Ana Malvar, profesora de investigación do CSIC ; Carmen Pampín, cofundadora de Galchimia e presidenta de Bioga, e a participación do escritor e xornalista Manuel Rivas como moderador.

12.30 horas: charla divulgativa Deus é un elefante morto e outras pistas sobre a evolución da linguaxe impartida por Xurxo Mariño, neurocientífico, divulgador e profesor da Universidade da Coruña.

13.30 horas: entrega de premios do 15º Concurso de Fotografía Científica.