Arranque do ciclo de aulas abertas Vozes de mulheres nas literaturas em língua galega e portuguesa coa participación da profesora da Université de la Sorbonne Nouvelle, Egídia Souto, que impartirá a charla Genero e literatura africana lusófona: a resiliência feminina em A Confisão da Leoa de Mía Couto, actividade que continuará o venres 5 na Facultade de Filoloxía e Tradución en horario de 11 a 13.00 horas.

O ciclo, aberto ao público en xeral, comprende sete sesións que terán lugar no Instituto Camões e na Facultade de Filoloxía e Tradución ao longo de todo o mes de novembro. Nas diferentes xornadas haberá intervencións de carácter máis académico, outras máis divulgativas e tamén recitais de poetas e, en todas, se reservará un oco para o diálogo e o debate.