Adeus a miña concubina, obra do director Chen Kaige, sitúase na China na década de 1920. No medio dunha inestable situación política, a ópera, na que as personaxes femininas deben ser interpretadas por homes, é unha constante na vida cotiá. A película de 1993 afonda na relación entre Douzi e Shitou, dous mozos destinados a ser estrelas da ópera de Pekín.

A entrada é de balde e unha vez rematada a proxección comezará un coloquio moderado pola docente de chinés da Aula Confucio da Universidade de Vigo Lili Wo.

O ciclo Cine e Lingua, organizado pola Vicerreitoría de Captación de Alumnado, Estudantes e Extensión Universitaria da Universidade de Vigo, acada este ano a súa 10ª edición.