Promovido pola Área de Didáctica da Expresión Plástica, a Facultade de Ciencias da Educación e do Deporte acolle o ciclo de conferencias O patio escolar como espazo educador, que ten como obxectivo reflexionar sobre as posibilidades educativas destes espazos a través de exemplos de intervencións que contribúen a modificar a relación do alumnado co espazo escolar.

O ciclo ábrese nesta xornada cun coloquio sobre o proxecto Mestra de obra, a cargo de Tono Mejuto, do estudo de arquitectura Sistema Lupo.