A sexta edición do Ciclo de Literatura Infantil e Xuvenil celébrase do 7 de outubro ao 4 de novembro co lema Sen tabús: ler para pensar e nela participarán as e os escritores Fina Casalderrey, An Alfaya, Xavier Estévez, María Canosa e o ilustrador Marcos Viso. A segunda conferencia terá lugar o 14 de outubro e nela An Alfaya ofrecerá unha intervención titulada Desbotando tabús. Ler: eu imaxino, viaxo, soño, emociónome, penso, sinto e vivo. E ti? Debido á pandemia, as conferencias pasan do formato presencial ao virtual e poden seguirse en directo a través da UVigo TV.