Ciclo de Literatura Infantil e Xuvenil. Conferencia da escritora Andrea Maceiras
Data de celebración:
20 de outubro de 2021 ás 17:00Dirixido a
Entidades Colaboradoras , Estudantes , Medios , PAS , PDI e Público externoOrganiza
Isabel MociñoLugar
Campus As Lagoas, Edificio de Ferro
32004 Ourense
España
Tipo de evento
ConferenciasEntrada:
De balde. É necesaria reserva.Modalidade
PresencialNa sala Emilia Pardo Bazán, no soto do Edificio de Ferro
A Facultade de Educación e Traballo Social do campus de Ourense acolle durante o mes de outubro unha nova edición do Ciclo de Literatura Infantil e Xuvenil, que nesta ocasión leva por lema Para ler (n)un mundo sustentábel. Ao longo de catro sesións, futuras mestras e mestres terán a oportunidade de dialogar con creadoras e creadores sobre a súa obra, centrándose nesta ocasión en como nelas se plasma o compromiso por acadar un mundo mellor. Nesta terceira sesión a escritora Andrea Maceiras falará sobre Palabras para o mundo verde.
A actividade, que celebra a súa sétima edición, está organiza como en anteriores ocasión pola profesora da Facultade de Educación e Traballo Social da UVigo Isabel Mociño, contando co apoio das profesoras Verónica Pousada e Eulalia Agrelo. Para a súa realización, o ciclo volve a ter o apoio da Vicerreitoría do Campus de Ourense, da Facultade de Educación e Traballo Social e da Asociación de Escritoras e Escritores en Lingua, que colabora con esta actividade ao abeiro do convenio que ten coa Secretaría Xeral de Política Lingüística da Xunta de Galicia.