Ciclo de Literatura Infantil e Xuvenil. Conferencia de Francisco Castro
Data de celebración:
4 de outubro de 2022 ás 17:00Dirixido a
Entidades Colaboradoras , Estudantes , Medios , PAS , PDI e Público externoOrganiza
Facultade de Educación e Traballo SocialLugar
Campus As Lagoas, Edificio de Ferro
32004 Ourense
España
Tipo de evento
ConferenciasEntrada:
De balde. Non é necesaria reserva.Modalidade
PresencialNa sala Emilia Pardo Bazán, no soto do Edificio de Ferro
Coeducamos? Con esta pregunta de fondo lánzase na Facultade de Educación e Traballo Social do campus de Ourense unha nova edición, a oitava, do seu Ciclo de Literatura Infantil e Xuvenil. Cada martes do mes de outubro desenvolverase neste centro unha conferencia que permitirá establecer un diálogo directo entre o público interesado, sobre todo as e os futuros mestres e mestras que se forman no campus, e as creadoras ou creadores de obras para as e os lectores máis novos. A primeira sesión, o día 4, leva por título A literatura infantil: falar dos temas “feos” e será ofrecida por Francisco Castro, escritor e director da Editorial Galaxia. A elección deste autor, explican desde a organización, débese a que ten “unha obra que enlaza moi ben co público xuvenil porque é un autor valente, no senso de que trata temas de actualidade, non lle dá medo tratar temáticas ás veces consideradas tabú ou que aparecen pouco na literatura, como o maltrato dentro da parella de adolescentes, enfermidades como o alzhéimer ou as identidades nas redes sociais”.