Por quinto ano consecutivo volve á programación de actividades do campus de Ourense o Ciclo de Literatura Infantil e Xuvenil. Cada martes do mes de outubro un escritor ou escritora ou un ilustrador achégase á Facultade de Ciencias da Educación para compartir co público presente a súa obra e a súa visión da creación para os máis novos e novas. Nesta cuarta sesión, Jacobo Fernández, profesor da Escola de Arte e Superior de Deseño Antonio Failde, ofrece unha conferencia titulada En que forno estaba o teu cerebro?