A Vicerreitoría de Extensión Universitaria promove A Clásica na UVigo: Ciclo de Cámara nos Campus, unha serie de actuacións do Dúo Fuschs, integrado polo violinista Mauro José Mariño e a violinista e violista Jennifer Gómez. Impulsado ao abeiro do convenio de colaboración entre a UVigo e a Orquestra Clásica de Vigo, o primeiro destes concertos, con entrada libre ata completar a capacidade da sala, desenvólvese na sede da Vicerreitoría do campus.

Nestes tres recitais, o Dúo Fuch interpretará un programa conformado por Six sonates a deux violons Op.4 n.2, de Maddalena Laura Lombardini-Sirmen; Douze Duos Op. 49, de Reinhold Glière; Six duets concertanti Op- 15 n. 3, de Federigo Fiorillo, e Spanische Weisen Op. 113, de Charles Auguste de Bériot.