O salón de actos da Facultade de Ciencias Sociais e da Comunicación acolle a sesión de clausura da décimo segunda edición da Máster Class Audiovisual Galego Augal, coordinada polos profesores Miguel Anxo Fernández e Paulino Pérez co patrocinio da Axencia Galega das Industrias Culturais (Agadic). Baixo o título de A canteira da FCSC, esta sesión abrirase coa proxección de nove curtas realizadas polo alumnado do centro, que optarán ao premio á mellor curta do curso 2021/2022.

Ás 19.00 horas terá lugar o acto de entrega de diplomas ao alumnado participante no curso, que contará coa participación da decana, Emma Torres, e do director da Agadic, Jacobo Sutil. Posteriormente procederase á entrega de premios ás curtas premiadas.