Clausura do II Curso de negociación colectiva e individual no ámbito laboral
Data de celebración:
4 de decembro de 2019 ás 17:00Dirixido a
Estudantes , Medios , PAS e PDIOrganiza
Área de Dereito do Traballo e Consello Galego de Relacións LaboraisLugar
Facultade de Ciencias Sociais e da Comunicación
36005 Pontevedra
España
Tipo de evento
Charlas e seminarios e ConferenciasEntrada:
de balde Non é necesaria reserva.Modalidade
PresencialCunha conferencia da ex-presidenta do Tribunal Constitucional María Emilia Casas
Asisten: Jorge Soto, vicerreitor do campus de Pontevedra; Verónica Martínez, presidenta do Consello Galego de Relacións Laborais, e Jaime Cabeza, catedrático do Dereito do Traballo e da Seguridade Social e codirector do curso
O salón de graos da Facultade de Ciencias Sociais e da Comunicación acolle o acto de clausura do II Curso de negociación colectiva e individual no ámbito laboral, que, baixo a dirección do catedrático Jaime Cabeza e a profesora Emma Rodríguez, a Universidade de Vigo promove xunto co Consello Galego de Relacións Laborais.
Neste acto, a catedrática de Dereito do Traballo e da Seguridade Social da Universidad Complutense de Madrid, presidenta da Asociación Española do Dereito do Traballo e da Seguridade Social e ex-presidenta do Tribunal Constitucional, Maria Emilia Casas, impartirá a lección maxistral de clausura. Tralo seu relatorio, o acto completarase coas intervencións dos secretarios xerais de UGT-Galicia, CIG e CCOO de Galicia, e a posterior entrega de diplomas aos e ás asistentes a un curso que reuniu como alumnado a diferentes representantes das organizacións sindicais e empresariais.