Asisten: Andrés Fernández, director xeral de Zendal e Manuel Reigosa, reitor da Universidade de Vigo 

O salón de actos da Facultade de Ciencias Económicas e Empresariais acolle o coloquio A loita contra a covid-19: Zendal&UVigo coa participación do director xeral da empresa, Andrés Fernández, e o reitor da Universidade de Vigo, Manuel Reigosa. Na conversa Reigosa e Fernández abordarán cuestións de actualidade como a produción por parte de Zendal dunha das vacinas contra a covid-19; o sistema de test PCR mediante saliva que se utilizará na UVigo ou a interacción entre empresa e universidade, tanto no relativo á investigación, como á formación. A consultora Zaida Rodríguez será a encargada de moderar a charla.

Este diálogo inaugura o ciclo Coloquios en tempos de pandemia, organizado polo decanato da centro, e ademais de celebrarse no salón de actos do centro, cunha capacidade reducida a 120 persoas, será retransmitido en directo por UVigo TV.