Arranca a programación cultural do primeiro cuadrimestre da Unviersidade de Vigo coa actuación no teatro Vidal Bolaño de Cidade Universitaria do artista madrileño Recycled J. Autor do fenómeno viral Valga la pena, Jorge Escorial publicou o ano pasado o seu primeiro traballo de longa duración, Oro Rosa, un album ecléctico con base urbana, que explora sons que van dende a electrónica máis bailable, pasando por aires flamencos, ata chegar a ritmos tan diversos como o pop, R&B ou rap.

A entrada é libre ata completar a capacidade do teatro.

A programación cultural continuará o vindeiro 31 coa primeira proxección do ciclo Cine e Lingua, que se desenvolverá no auditorio do Edificio Cambón. The Rocky Horror Picture Show de Jim Sharman abrirá o ciclo de cinema en versión orixinal con subtítulos en inglés.