Dentro do ciclo Música para reCREAr, que promoven a Vicerreitoría do campus e a Concellería de Promoción Económica e Universidades, o salón de actos da Escola de Enxeñaría Forestal acolle un concerto de Teo Cardalda, quen fora membro de grupos como Cómplices ou Golpes Bajos. Nesta actuación, Cardalda presenta o seu último traballo en solitario, El viaje que nunca acaba, co que celebra os seus 40 anos no mundo da música reunindo vinte versións das cancións que marcaron a súa vida xunto con novas composicións.

Inicialmente previsto para a Casa das Campás, o concerto trasladáse ao salón de actos da Escola de Enxeñaría Forestal por razóns da capacidade da sala. Con acceso gratuíto, as entradas para acudir poden recollerse desde unha hora antes do inicio.