A astrónoma afgá Amena Karimyan ofrece unha conferencia titulada Astronomía para manter o alento da ciencia (Astronomy to Keep the Breath of Science). Á luz dos solpores afganos, baixo ceos de distintas latitudes, Karimyan realizará un breve repaso cultural e histórico á astronomía afgana, así como o traballo desenvolvido polo grupo astronómico Kayhana, fundado en 2018 por Karimyam co obxectivo de ensinar astronomía a mulleres e nenas.

Enxeñeira civil e instrutora no Instituto Técnico de Herat, Karimyan foi unha das primeiras mulleres en Afganistán dedicada ao desenvolvemento da astronomía nese país.