O ciclo Diálogos con ... do programa UVigo Leadership School chega ao seu fin cunha conferencia co exministro de Industria, Turismo e Comercio, Miguel Sebastián. No salón de actos da Facultade de Comercio, Sebastián ofrecerá un relatorio titulado Previsións económicas en tempos de incerteza. Unha vez rematada a conferencia celebrarase un debate.

Sebastián é licenciado en Ciencias Económicas e Empresariais pola UCM e doutor en Economía pola mesma universidade e a Universidade de Minessota. Foi director da Oficina Económica do presidente do Goberno e ministro de Industria, Turismo e Comercio. Membro do consello editorial de varias publicacións económicas e colaborador de diferentes medios, é autor de libros como La falsa bonanza y El virus interminable.