A Casa das Campás acolle unha conferencia do politólogo, xornalista e consultor David Alvarado, titulada Primaveras árabes e a revolta do Rif en Marrocos e promovida polo Instituto Galego de Análise e Documentación Internacional (Igadi), coa colaboración da Vicerreitoría do campus.

Instalado en Rabat dende 2003, Alvarado combina desde a súa área de investigación o traballo académico co xornalístico, sendo correspondente para o norte de África de diversos medios de comunicación coma o xornal La Voz de Galicia, Radio Euskadi, Televisión de Galicia, ou CNN+. A súa vez é autor de numerosos artigos académicos e análises sobre variadas cuestións políticas relacionadas co Magreb e o norte de África. David Alvarado é tamén profesor asociado na Universidade Internacional de Rabat (UIR) e investigador asociado do Centro d'Etudes et Recherches en Sciences Sociales (CERSS) de Rabat e do Instituto Galego de Análise e Documentación Internacional. O seu último libro é Rif: De Abdelkrim a los indignados de Alhucemas de Edicións La Catarata, editado no 2017.