A Facultade de Historia do campus de Ourense organiza os días 16 de abril (de xeito telemático) e 23 de abril (de xeito presencial) o ciclo de conferencias Espazo e Poder. En consonancia coa multidisciplinariedade do grao en Xeografía e Historia, neste ciclo participan a maioría das áreas de coñecemento que imparten docencia no título. O seu obxectivo é ofrecer unha perspectiva pluralista arredor da temática espazo e poder que sirva para complementar o programa formativo do alumnado da Facultade de Historia.