Segunda xornada do ciclo Conversas coa nosa xente, que organiza a Facultade de Filoloxía e Tradución. Desta volta a docente e investigadora da USC e escritora, María Alonso Alonso, será entrevista polo decano do centro, José Montero Reguera. 

Amosar as fortalezas e posibilidades da FFT e servir de canle para a captación de alumnado, por medio de exemplos procedentes do propio centro, a través de egresadas e egresados con traxectorias laboralmente consolidadas e referentes na súa actividade profesional, son os obxectivos de Conversas coa nosa xente, que tamén rende homenaxe a Antonio Rifón Sánchez, docente e investigador do centro, falecido recentemente.