O profesor da Escola de Enxeñaría Forestal, biólogo e experto en conservación da biodiversidade Adolfo Cordero e o xornalista Ramón Rozas protagonizan na sede da Vicerreitoría do campus unha nova sesión do ciclo Conversas na UVigo, unha serie de coloquios de carácter informal entre persoeiros da cidade e xornalistas e columnistas do Diario de Pontevevedra, que a Vicerreitoría do campus promove xunto con este xornal. Diferentes cuestións medioambientais como o aproveitamento sostible dos bosques, a desaparición de diferentes especies de insecetos ou os efectos do cambio climático centrarán a conversa que nesta xornada manterán Rozas e o investigador do grupo de Ecoloxía Evolutiva e da Conservación.